دليل ماسة
أكثر الروابط استخداما
بثت الفضائية السورية ليل أمس تسجيلات جديدة قالت إنها لعضو كتلة "المستقبل" النائب عقاب صقر مع مسؤولين ميدانيين في المعارضة السورية المسلحة.
وأكد الاعلامي السوري رفيق لطف، المتخصص في الكشف عن وثائق وتسجيلات دانت سابقاً قناتي "الجزيرة" و"العربية" في فبركة تقارير من سورية، أن "لديه الكثير من التسجيلات التي تثبت تورط صقر في تهريب أسلحة إلى المعارضين السوريين. مدة التسجيلات الثماني التي بثتها الفضائية السورية وصلت الى نحو تسع دقائق، وشملت مكالمات بعضها كامل وبعضها عمد لطف الى تقطيعه واعداً بنشره كاملاً في وقت لاحق". واللافت أن "أياً من المكالمات التي جرت بين صقر ومسؤولين ميدانيين في المعارضة السورية، لم تتطرق الى أي ذكر لادخال أي مساعدات غذائية أو حليب أطفال أو بطانيات، وانما أشارت الى أجهزة اتصال وأموال و"أشيا مش شايفينها"، ودعت الى توحيد المقاتلين ضد النظام. وفي ما يأتي النص الحرفي للتسجيلات".
التسجيل الأول (أربع دقائق واثنتا عشرة ثانية)
صقر: آلو آلو
أبو محمد: السلام عليكم ورحمة الله.
صقر: وعليكم السلام.
ــــ شلونكن أخي أبو صقر ان شاءالله بخير.
صقر: الحمدلله كيف الحال.
ــــ أخوك أبو محمد معك من حمص.
صقر: إيه أبو محمد.
ــــ الله يكرمكن لله الحمد. حكى معي أبو محمد رياض، عمبيقللي انو وصلتك انتي مية لعندك؟ قلتلو لاء ما إجاني شي.
صقر: ما قلتلو للعقيد.
ــــ أيه أنا بلغتو أنا ما إجاني شي. قلتلو للعقيد ونحنا وصلنالو الخبر. وأنا كنت عند الرائد أبو ابراهيم الصبح بكير. حطيتو بالصورة. الله يجزيك الخير أخي أبو صقر، أنا حكيت مع العقيد رياض. المية التانية اذا بتريد بتوصل لإلنا.
صقر: طيب ما نحنا بدنا نوحدكن.
ــــ نحنا واحد. منشان تكون معي بالصورة أخي أبو صقر. على الأرض قائد اللواء اللي هوي الرائد أحمد بحبوح هو المستلم. العقيد لسه ما زبط أمورو تماماً.
صقر: إيه بس هوي فهمني انو انتو جسم واحد وكذا. هيك فهمت أنا.
ــــ نحنا كل واحد بإذن الله. لكن على الأرض...
صقر: خلص. ... التانية عبر أبو محمد. بتكون هيك وصلت لهون ولهون.
ــــ بإذن الله تعالى بإذن الله. الله يجزيكم الخير.
صقر: قد ما بدكن. هلق حنجبلكم. حتاخدو شي ما بتتوقعوه.
ــــ الله يكرمك ونحنا حتشوفو شي ما بتتوقعو كمان. من فضل الله بإذن الله.
صقر: عطيني بس كم يوم رح تشوفو العجب يعني.
ــــ الله يبشّرك بالخير. الله يبشّرك بالخير.
صقر: هودي الأوباش ما معن ياه ولا شايفينو انشالله.
ــــ نعم بإذن الله بإذن الله تعالى. هيدا من وعود الله إلنا سبحانه وتعالى. بس هيدا رقمي سيّفو عندك من بعد إذنك أخي أبو صقر.
صقر: خليني قلك شغلة. هلق في عنا لغط. هلق كنت عمبحكي للعقيد. عنا هلق قصة الاعلان عن تبني التفجيرات هيدي اللغط اللي صار عليها. بدنا نشوف مين بدنا نحكي لينفي. بدنا نعطي رقم حدا يحكوه باسم الجيش الحر حتى ينفي. عميطلع كأنو الجيش الحر هوي اللي عمل التفجيرات بحلب.
ــــ لاء لاء. انتي عطيني أي رقم نقدر نوصل فيه لأي محطة ونحنا جاهزين.
صقر: عطيني رقم لخلي المحطة تتصل فيك. قللي أي رقم.
ــــ ليكو هيدا رقمي معك. جنبي هلق حالياً الملازم أول عامر الزعبي بيطلع ينفي.
صقر: بدنا حدا ناطق باسم الجيش. يطلع ناطق باسم الجيش.
ــــ الناطق هوي الناطق باسم لواء خالد بن الوليد النقيب اياد الديك. انا بكرا اذا الله راد بكون هونيك لأنو ما في عندن جهاز ثريا. تصور لوين الامكانيات. بالرستن ما في تغطية أبداً.
صقر: شفلي شو بدكن حاجيات للتغطية ابعتلي ياهن كمان.
ــــ المطلوب بس كم جهاز «ثريا» بتعرفن انتي وجهاز نت فضائي بس.
صقر: طيب بعطيك «إنمارسات» أحلى.
ــــ طيب طيب طيب. لا الرائد معو ولا الناطق الرسمي معو.
صقر: طيب حنعطيكن ياهن. حنبعتلكن «إنمارسات». واضغطوا انتو عالعقيد حتى تتوحدوا حاج نضل مشردين.
ــــ نحنا من البداية ضلينا على النهج اللي نحنا فيه وهلق الناس كلا ماشية ورانا من فضل الله سبحانه وتعالى لأنو ضلينا على الحق. والناس كلها على الارض هلق عمتتوحد.
صقر: ماشي.
ــــ وبالنسبة على الارض هون لا تقلقوا انتو. بس نحنا بدنا هونيك يكون في عجلة شوي أخي أبو صقر بعد إذنك.
صقر: حنستعجل قد ما فينا.
ــــ طيب الله يكرمك. هيدا رقم تلفوني عندك، السلام عليكم.
اكتب تعليق
كل الحقول التي عليها علامة (*) مطلوبة