• فريق ماسة
• 2017-10-31
• 9871
• من الأرشيف

أحمد عز على مواقع التواصل يقسم ....هذه هي الحقيقة كاملة

نشرت صفحة أحمد عز على موقع “انستجرام”، رسالة يبعث بها عز لجمهوره، مؤكدا أنهم أهله وعائلته.وكتب عز في رسالته “مساء الفل يا عيلتي وأهلي، كتير سألوا عليا امبارح وانا بطمنكوا أنا الحمد لله كويس وزي الفل وراضي باللي ربنا كاتبهولي كله، انا مش بس راضي أنا سعيد بالابتلاء اللي انا فيه عشان واثق في ربنا وفي نصره ان عاجلا أو آجلا، وان اللي انا فيه ده ما هو اللي رفع درجات بإذن الله”. وأضاف عز “طبعا أنا لا أعلق على أحكام القضاء ومش هطلع أعمل دوشة ولا اتكلم، عشان انا سايب حقي على ربنا العادل الحق، اللي بقولهولكوا دلوقتي هو نفسه اللي بقوله من اول يوم في القضية، وهافضل أقوله لاخر نفس في عمري، وبأشهد الله على كلامي ده بل أقسم بالله العلي العظيم اني متجوزتهاش لا رسمي ولا عرفي ولا شفهي ولا ثانيه وان شاء لله يكون معاها 100 حكم و100 شهادة ميلاد برضه مش ولادي”. واختتم رسالته ذاكراً قول الله تعالى “وَلَا تَحْسَبَنَّ اللَّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ”. وكانت المحكمة قد رفضت أمس الأربعاء استئناف الفنان أحمد عز على حكم إثبات نسب توأم الفنانة زينة له.

المصدر : الماسة السورية