دليل ماسة
أكثر الروابط استخداما
ما فعله النجم الأمريكي جورج كلوني مع زوجته أمل علم الدين بقوله إنه سيطلقها ثم سيتزوجها من جديد ليثبت لها أنها اختياره الوحيد أثار غيرة الفنانة
المصرية نشوى مصطفى.
نشوى علقت على ما فعله جورج وكتبت على “فيسبوك”: “يا أخواتي الراجل اللي اسمه جورج كلوني ده جنسه إيه،الراجل أعلن أنه (الخطوة الأولى ) هيطلق الست أمل مراته،الخطوة الثانية حيرجع يتجوزها، وبعدين يطلقها تانى علشان يتجوزها ويفضل يطلقها كل ما يتجوزها علشان يفضل يثبت لها بالبرهان إنها حتفضل دايماً اختياره وعشقه الوحيد ياااااااااااالهوى على دى رومانسية ودليل عشق حقيقي”.
الفنانة المصرية أضافت: “قوم أنا أول ما قريت الخبر ده ومارست شوية حقد نسائي مشروع على الأخت أمل علم الدين التفت ناحية الأستاذ أبو عبد الرحمن كلوني جوزي وقلت له شايف جورج بيعمل إيه لأمل رد وقال لي قريب هعمل زي جورج بس يارب بعد الخطوة الأولى أفقد الذاكرة”.
الإعلامية حنان شومان مازحت نشوى على حسابها وقالت لها إن جورج كلوني وتصرفاته مجرد شغل سينما وقالت: ” يا نونا أوعى تصدقي وتزعلي ده كلام ممثلين في الجرايد وأنت عارفة يا أختي والنعمة تلاقيه بيمسيها ويصبحها بعلقة صبري روحك”، فردت عليها نشوى وقالت: “هو الأخ جورج دا ماعندوش أخوات بنات ماشي يطرطش فتنة إذا مكنش بشكله المتنيل يبقى بتصرفاته الرومانسية المهببة دي”
اكتب تعليق
كل الحقول التي عليها علامة (*) مطلوبة